YAKINIKU KAKURA
前幾日喺元朗針灸完，去行元朗新商場元點，見未食lunch入咗一間燒肉叫「YAKINIKU KAKURA」，比門口嘅靚牛肉圖片吸引住我，見咁多人入去食，一定好唔錯！
入到燒肉店餐廳環境都舒服闊落，店員都好有禮貌，仲介紹邊個餐多人食，唯一令輪椅人士唔方便就係燒肉枱底好難泊輪椅，腳踏頂住燒肉枱底，其他野都非常滿意，一坐低見完就會遞上一壺綠茶同一碟三種醬汁，左邊係日本燒汁，中間係日本辣燒汁，右邊係檸檬汁，店員話檸檬汁點牛舌係最好味，解釋得非常清楚，我好滿意！
1.黑毛和牛大判燒盛盒+凍檸茶$368（10/10）
呢個大判燒盛盒全部都係來自鹿兒島和牛，入面有一大片鹿兒島A4和牛西冷，呢塊和牛西冷個雪花好靚，輕輕燒下就食得，點埋溫泉蛋一齊食好正，肉質就入口即溶，仲有鹿兒島和牛裏腹小排、鹿兒島和牛背末脊肉同雞髀菇，套餐仲包括有日本珍珠米飯、沙律菜、蘿蔔漬、青瓜漬同麵豉湯，甜品就有杏仁豆腐同雲呢拿雪米糍，杏仁豆腐好嫩滑，中間仲食到杞子，雲呢拿雪米糍一樣咁滑，最後飲品揀咗凍檸茶，呢個套餐簡直無得頂！
2.黑毛和牛大判燒拼US牛板腱肉+凍咖啡$258+牛舌$48（9.5/10）
呢個大判燒有一大片鹿兒島A4和牛西冷，呢塊和牛西冷個雪花好靚，仲有大約三片牛板腱肉同雞髀菇，套餐仲包括有日本珍珠米飯、沙律菜、蘿蔔漬、青瓜漬同麵豉湯，甜品就有杏仁豆腐同雲呢拿雪米糍，杏仁豆腐好嫩滑，中間仲食到杞子，雲呢拿雪米糍一樣咁滑，飲品揀咗凍咖啡，最後套餐仲加咗$48三片牛舌，呢個牛舌非常彈牙，好滿足！
3.黑毛和牛內橫隔膜$188（9/10）
呢個毛和牛內橫隔膜唔知係咪燒得耐，覺得有少少韌，一碟有五塊黑毛和牛內橫隔膜！
4.塩味牛舌$88（9.5/10）
頭先食完牛舌忍唔住再加多一碟，今次試下塩味牛舌，呢個牛舌鮮味好出，除咗彈牙之外，仲多咗爽脆，一碟有五塊塩味牛舌！
2人總共價錢$1045，有加一服務費！
個人口味總評分：9.5/10
地址：元朗朗樂路1號元點1樓B155號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#YAKINIKUKAKURA #元朗好去處 #元朗美食 #元朗 #燒肉店 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #激玩水上樂園 #呵護肌膚好物 #冰爽夏日
